អំពីសាលា

វិទ្យាល័យកំរៀង ត្រូវបានបង្កើតឡើងក្នុងឆ្នាំ២០០០ ក្រោមគំនិតផ្តួចផ្តើម និងការយកចិត្តទុកដាក់របស់លោក សុខ គង់ អភិបាលស្រុកកំរៀង និងលោក ណុប ធឿន ប្រធានការិយាល័យអប់រំ យុវជន និងកីឡាស្រុកកំរៀង ព្រមទាំងអាជ្ញាធរដែនដីស្រុកកំរៀង។ សាលាមានផ្ទៃដីសរុប ២១,២៥៣ ម៉ែត្រការ៉េ សិតនៅភូមិអូរដា ឃុំអូរដា ស្រុកកំរៀង ខេត្តបាត់ដំបង ជាប់ព្រំដែនខេត្តប៉ៃលិន។

បច្ចុប្បន្នសាលាមានអាគារសិក្សាចំនួន ៥ខ្នង (៥០បន្ទប់រៀន) អាគារការិយាល័យរដ្ឋបាល និងអាគារស្នាក់នៅសម្រាប់គ្រូ និងសិស្ស សម្រាប់បម្រើការសិក្សាចាប់ពីថ្នាក់ទី៧ ដល់ទី១២។ បេសកកម្មរបស់យើងគឺពង្រីកឱកាសទទួលបានការអប់រំប្រកបដោយគុណភាពដល់កូនសិស្សក្នុងសហគមន៍ជនបទនេះ ដើម្បីស្រូបយកចំណេះដឹង និងអភិវឌ្ឍធនធានមនុស្សចាំបាច់សម្រាប់អនាគតរបស់ពួកគេ ស្របតាមគោលនយោបាយអប់រំរបស់រាជរដ្ឋាភិបាល។